يرى الإعلامي خالد الغندور، أن قرعة كأس مصر التي أجريت من قبل لجنة المسابقات باتحاد الكرة، جاءت موجهة لصالح النادي الأهلي، وذلك بدواعي أمنية.
وقال الغندور – عبر حسابه الرسمي بـ”فيسبوك”-: ” قرعة كأس مصر كانت قرعة موجهة و أمنية و ده كلام لجنة المسابقات و الحاج عامر حسين و هو ابعاد المصري و الاسماعيلي و بتروجيت عن الاهلي عشان المركب تمشي و أصبحوا في طريق الزمالك و ده بسبب تأمين المباريات”.
وأضاف ” لكن هنا السؤال اسهل تأمين الاهلي و المصري في دور 16 او الاهلي و الاسماعيلي في دور ال 8 و لا تأمين نهائي كاس مصر و وارد جدا وصول الاهلي و الاسماعيلي او الاهلي و المصري للمباراة النهائية”.
وتابع “للاسف ده تفكير البعض اداريا نمشي المركب دلوقتي و لما ييجي بكره ربنا يسهل و طبعا الأمن قادر علي تأمين اي مباراة و اكيد هيتم تأمين المباراة النهائية لكأس مصر و طرفي النهائي اي فريق سواء اهلي و إسماعيلي او زمالك و اهلي او مصري و اهلي او مصري و انبي او سموحة و زمالك و اتمني ان تفكيرنا الموسم القادم يبقي مختلف”.